പ്രശ്നമുണ്ടോ? പെട്ടെന്നുള്ള പരിഹാരം

കമ്പോസ്റ്റർ · തകരാർ പരിഹാരം

ആദ്യം ഇവ ചെയ്തുനോക്കുക. എന്നിട്ടും ശരിയായില്ലെങ്കിൽ ഞങ്ങളെ WhatsApp ചെയ്യുക അല്ലെങ്കിൽ വിളിക്കുക.

ഷ്രെഡർ കുടുങ്ങി
  1. റിവേഴ്സ് ഉപയോഗിച്ച് മാലിന്യം പിന്നോട്ട് തള്ളുക.
  2. കുറച്ച് വെള്ളം ഒഴിക്കുക. കുറച്ചുതവണ മുന്നോട്ടും പിന്നെ റിവേഴ്സിലും ഓടിക്കുക.
  3. എന്നിട്ടും മാറിയില്ലേ? ഓഫ് ചെയ്യുക.
  4. ബ്ലേഡുകൾ നിൽക്കുന്നതുവരെ കാത്തിരിക്കുക.
  5. ബ്ലേഡുകൾക്കടിയിൽ പ്ലാസ്റ്റിക്, ലോഹം അല്ലെങ്കിൽ ഉണങ്ങിയ മാലിന്യം ഉണ്ടോ എന്ന് നോക്കുക.
  6. സ്ക്രേപ്പർ ടൂൾ കൊണ്ട് പുറത്തെടുക്കുക. ഒരിക്കലും കൈ ഉപയോഗിക്കരുത്.
  7. എന്നിട്ടും മാറിയില്ലേ? ഞങ്ങളെ വിളിക്കുക.
ഷ്രെഡർ ഇടയ്ക്കിടെ അടഞ്ഞുപോകുന്നു
  1. ഒരു തവണ 5 kg മാത്രം, പതുക്കെ ഇടുക.
  2. പ്ലാസ്റ്റിക്കും ലോഹവും മറ്റ് കട്ടിയുള്ള സാധനങ്ങളും ആദ്യം മാറ്റുക.
  3. ഓരോ ബാച്ചിനും ശേഷം ബ്ലേഡുകൾ കഴുകുക.
മുൻവാതിലിലൂടെ മാലിന്യം പുറത്തേക്ക് തൂകുന്നു
  1. മാലിന്യം ഇടുന്നത് നിർത്തുക.
  2. അടുത്ത തവണ ഫീഡിംഗ് ലെവലിന് മുകളിൽ നിറയ്ക്കരുത്.
Automatic mode സ്റ്റാർട്ട് ആകുന്നില്ല
  1. മുൻവാതിലുകൾ ശരിയായി അടച്ച് ലോക്ക് ചെയ്യുക.
  2. ഈർപ്പം (Humidity) പൂജ്യം കാണിക്കുന്നുണ്ടോ? ഈർപ്പം അളക്കുന്ന സെൻസർ വൃത്തിയാക്കുക.
  3. എന്നിട്ടും സ്റ്റാർട്ട് ആകുന്നില്ലേ? ഞങ്ങളെ വിളിക്കുക. കൺട്രോൾ പാനൽ തുറക്കരുത്.
ഈർപ്പം (Humidity) പൂജ്യം കാണിക്കുന്നു
  1. ഓഫ് ചെയ്ത് ഈർപ്പം അളക്കുന്ന സെൻസർ വൃത്തിയാക്കുക.
  2. എന്നിട്ടും പൂജ്യമാണോ? ഞങ്ങളെ വിളിക്കുക.
ചൂട് കൂടുന്നില്ല
  1. ഞങ്ങളെ വിളിക്കുക. ടെമ്പറേച്ചർ സെൻസറോ ഹീറ്ററോ ടെക്നീഷ്യൻ നോക്കണം.
വാതിലുകൾ അടച്ചിട്ടും ചുവന്ന ലാമ്പ് കത്തിനിൽക്കുന്നു
  1. മുൻവാതിലുകൾ ഉറപ്പിച്ച് അടച്ച് ലോക്ക് ചെയ്യുക.
  2. എന്നിട്ടും ചുവപ്പാണോ? ഞങ്ങളെ വിളിക്കുക. ഡോർ സെൻസർ ശരിയാക്കണം.
മെഷീൻ ഓൺ ആകുന്നില്ല
  1. മെയിൻ MCB ഓൺ ആണോ എന്ന് നോക്കുക.
  2. പിന്നിലെ കീ സ്വിച്ച് ഓൺ ആണോ എന്ന് നോക്കുക.
  3. പവർ പ്ലഗ് ഉറപ്പിച്ച് കുത്തിയിട്ടുണ്ടോ എന്ന് നോക്കുക.
  4. എന്നിട്ടും ഒന്നുമില്ലേ? ഞങ്ങളെ വിളിക്കുക. കൺട്രോൾ പാനൽ തുറക്കരുത്.
സ്ക്രീനിൽ ഒന്നും വരുന്നില്ല
  1. മെയിൻ MCB ഓൺ ആണോ എന്ന് നോക്കുക.
  2. 10 സെക്കൻഡ് കാത്തിരിക്കുക.
  3. എന്നിട്ടും ഒന്നും വരുന്നില്ലേ? ഞങ്ങളെ വിളിക്കുക. സ്ക്രീനിൽ വെള്ളം ആകാതെ നോക്കുക.
മെഷീനിൽ നിന്ന് ഷോക്ക് അടിക്കുന്നു
  1. മെഷീനിൽ വീണ്ടും തൊടരുത്.
  2. മെയിൻ MCB ഓഫ് ചെയ്യുക.
  3. ഉടനെ ഞങ്ങളെ വിളിക്കുക. ഞങ്ങൾ ശരിയാക്കുന്നതുവരെ മെഷീൻ ഉപയോഗിക്കരുത്.
MCB വീണ്ടും വീണ്ടും ട്രിപ്പ് ആകുന്നു
  1. അത് ഓഫ് ആയിത്തന്നെ വിടുക.
  2. ഞങ്ങളെ വിളിക്കുക. വയറിംഗ് ടെക്നീഷ്യൻ നോക്കണം.
എയർ ഔട്ട്‌ലെറ്റിൽ നിന്ന് ദുർഗന്ധം
  1. ബ്ലോവർ മെഷ് വൃത്തിയാക്കുക.
  2. എന്നിട്ടും മണമുണ്ടോ? ഞങ്ങളെ വിളിക്കുക. ഫിൽട്ടർ മാറ്റേണ്ടി വന്നേക്കാം.
ആവി കൂടുതൽ, അല്ലെങ്കിൽ വെള്ളം ചോരുന്നു
  1. വാതിലുകൾ നന്നായി അടയാൻ അവയുടെ ഉൾഭാഗം വൃത്തിയാക്കുക.
  2. എന്നിട്ടും ചോരുന്നുണ്ടോ? ഞങ്ങളെ വിളിക്കുക. ബ്ലോവർ പരിശോധിക്കണം.
കീ കീ ശബ്ദം, ഇടി ശബ്ദം അല്ലെങ്കിൽ മൂളൽ
  1. ഓഫ് ചെയ്യുക.
  2. ഞങ്ങളെ വിളിക്കുക. ബെയറിംഗ്, ഗിയർബോക്സ് അല്ലെങ്കിൽ ബ്ലോവർ ടെക്നീഷ്യൻ നോക്കണം.
മെഷീൻ വല്ലാതെ കുലുങ്ങുന്നു
  1. അത് ചക്രങ്ങളിലല്ല, മൗണ്ടുകളിലാണ് നിൽക്കുന്നതെന്ന് നോക്കുക.
  2. തറ നിരപ്പാണോ എന്ന് നോക്കുക.
  3. ചക്രങ്ങൾ പൊട്ടിയിട്ടില്ലെന്ന് നോക്കുക.
  4. എന്നിട്ടും കുലുങ്ങുന്നുണ്ടോ? ഞങ്ങളെ വിളിക്കുക.
പതുക്കെയാണ്, അല്ലെങ്കിൽ ഇടയ്ക്കിടെ നിൽക്കുന്നു
  1. ഞങ്ങളെ വിളിക്കുക. വൈദ്യുതി സപ്ലൈ പരിശോധിക്കണം.

ഒരിക്കലും കൺട്രോൾ പാനൽ തുറക്കുകയോ വയറിംഗിൽ തൊടുകയോ ചെയ്യരുത്. ഷോക്ക് അടിച്ചാൽ ഉടനെ മെയിൻ MCB ഓഫ് ചെയ്ത് ഞങ്ങളെ വിളിക്കുക.

WhatsAppവിളിക്കുക